الجرانولا المنزلية
21 مارس, 2020 by
A Better Me By Samar



الجرانولا البيتى😋

من اكتر الوصفات اللى بحبها بتبقى تحفه مع الزبادى على الفطار و
الولاد بيحبوها جدا و طبعا بتنفع اوى لانش بوكس

المقادير:
كوب شوفان الحبه الكامله
ربع كوب مكسرات نيه مجروشه او مطحونه
معلقه كبيره عسل
ملعقه صغيره قرفه
ملعقه صغيره زبده فول سودانى(ممكن زبده عاديه او زيت جوز هند اللى تحبوه)
ربع كوب فواكهه مجففه(نحطها فى الفرن اخر ٥ دقايق او ننقعها شويه فى مياه سخنه و نصفيها)

الطريقه:
١.نخلط المكونات و نفردها على صينيه عليها ورقه زبده و ندخلها فرن سخن ١٦٠ لمدة ٢٥ دقيقه او حسب الفرن بتاعكو و ممكن فى حله على البوتجاز مع التقليب.
٢.نسيبها تبرد خالص و تقرمش حسيتو انها محتاجه تقرمش اكتر دخلوها الفرن شويه كمان.

ممكن نضغطها كويس اوى فى الصينيه و نقطعها مستطيل تبقى جرانولا بار.

اضافات لزياده القيمه الغذائيه:
ملعقه صغيره بذور شيا
ملعقه صغيره جنين قمح
ملعقه صغيره نخاله شوفان
ملعقه صغيره بذر كتان مطحون
ربع ملعقه صغيره حب الرشاد
ربع ملعقه صغيره بودره مورينجا

تتقدم مع الزبادى و العسل او ممكن لبن و عسل😋😋

 
 
 
 
 
 

 
 

You can press it very well, and cut it as granola bars.

 
 
 
 
 
 
 

Serve with yogurt,and honey, or milk, and honey



أرشفة